لو سأل

 

 

لو سأل عليا بابا

قولوله كانت نفسها تشوفك اوى ومتتحرمش منك ولا لحظه لان وجودك بالنسبالها هوا السند والظهر والامان ومن بعدك بقت يتيمه وحيده والخوف بقى مصاحب قلبها

لو سألت عليا ماما

قولولها عمرها مش خساره فيكى مانت نور عنيها وروحها والركن الدافى الحنين ..بس كانت محتاجه تبقى جنبها وتبقى الصاحب والاخت والام ...وكانت محتاجه حضن جامد منك يحميها ويقويها من غدر الناس

لو سألت عليا اختى

قولولها صورتها ف قلبها وعقلها..وطبيتها ورقه قلبها هما شعاع الحياه والامل ليها

لو سأل عليا اخويا

قولوله انت سندها فى الدنيا والامان بالنسبالها ومن غيرك تأكد انها هتضيع

لو سأل عليا حبيبى 

قولوله كانت نفسها من زمان تعيش معاك انقى واحلى مشاعر حب ف الوجود بكل اخلاص ووفاء طول العمر وطفلين يملو حياتنا حب وفرحه وسعاده

لو سأل عليا الحب

قولوله انت بالنسبالها طير نادر وجوده فى الكون..من زمان وهييا بتدور عليك علشان نفسها ف لمسه حنان منك وتعيش مشاعرك المخلصه وحضنك الحقيقي الدافى

لو سألت عليا نفسى 

قولولها هييا بتدور عليكى من زمان بين اوراقها وايامها وحياتها ..وما بين صور محفوره فى خيالها ونفسها بجد توصلك علشان ترتاح

لو س عليا قلبى 

قولوله الدنيا بتغدر بيها وعارفه انك شايل وكاتم جواك..وفاكره انها لسه عايشه والنبض فيك ..تبص جواك وتسمع دقاتك تقول ده لسه فيك الحياه..بس كل دقه فيها وجع واهات نفسها تقولك هتشوف ايه اكتر من كده

لو سأل عليا الحلم

قولوله بمجرد التفكير فيك دى حاجه بتسعدها ..امال لو اتحققت على ارض الواقع اكيد هتبقى حاجه مبهره ليها

لو سألت عليا بنتى رهف

قولولها كانت نفسها تشيلك وتخبيكى جوه احضانها وتعيش معاكى احساس الامومه بأجمل مشاعرها وتخليكى اسعد واحده ..مانت هتبقى اميرتها وكل حياتها ياغاليه..هتقدر تجيبك للدنيا؟؟

لو سأل عليا ابنى امجد

قولوله كانت نفسها ف حضن جامد منك مانت هتبقى سندها ياقلب ماما ..كانت نفسها تكون معاك وانت بتحقق احلامك الجميله والغاليه على قلبك وتعيش معاك كل لحظه فيها..وتخليك امير وفارس بتحلم بيه كل البنات ياأجمل حاجه ف حياتها

لو سألو عليا اعز الناس

قولولهم عمرها ما هتنسى اعز واغلى الناس اللى متقدرش تعيش من غيرهم

ولو مكتوبلنا اننا منشوفش بعض تانى

.هتترجى القمر يجمل ايامكم دايما

وهتترجى الزمان يحلى حياتكم بناس تحبوها وتبقى معاكم وحواليكم دايما ومتحسوش بغربه ولا بوحده ابدا

وهتترجى الطيور تعزفلكم اجمل الالحان واعذب النغمات

وهتترجى الشمس تنور ايامكم وتدفى قلوبكم الجميله وتخلى ابتسامتكم الجميله والرقيقه موجوده على ملامحكم فى بدايه كل يوم 

جديد