انا:الو ازيك منار اخبارك ايه
منار: بخير يادودو وانتى اخبارك ايه
انا:الحمد لله فى فضل ونعمه من ربنا
منار:ها وصلتى بالسلامه؟
انا: بضحكه خفيفه منا عارفه انتى بتتصلى بيا ليه ..اه وصلت البيت خلاص
منار:طب احكيلى بقى اتكلمتو فى ايه وكلتو ايه وروحتو فين يلا بسرعه قولى
انا:اهدى شويه ..بصى انا هقولك اللى حسيته فى شخصيته الاول وبعد كده لما نتقابل هيبقى لينا كلام تانى اوك؟
منار: اوك المهم انك تقوليلى اى حاجه
انا مع ضحكه عاليه :حاضر
بيحاول يعيش الحياه على حسب إقتناعاته بالرغم من كميه التنافضات الكتيره الموجوده حواليه واللى ساعات بتخنقه وتخليه مش عارف يخرج بره الدايره اللى عايش فيها
معندوش اسرار واضح وصريح مع نفسه وع اللى حواليه واللى فى قلبه على لسانه على طول
بيحب الضحك وعاشق للبساطه ومؤمن بيها
بيكره التعصب والمظاهر الكدابه والتطرف وشخصيته مرنه جدا يعنى بيتقبل كل الاراء حتى لو كان مختلف مع رأيه
طريقه تفكيره مختلفه ومتميزه رافض بينه وبين نفسه إنه يكون تقليدى يعنى مجرد نسخه مكرره
مش بيعرف يكره حد بس بيجيد الرحيل
بيحب يشارك كل الناس بس بالرغم من كده وحيد
حنين اوى اوى وشخصيه راقيه وزوق ومتحضره وشيك جدا يعنى تقدرى تقولى برنس فى نفسه
فى اسطوره بتقول إن كل واحد فينا ليه ملاكه الخاص اللى بيحرسه انا لقيته خلاص وجالى علشان يقولى إن أنا مفتاح سعادك وراحه بالك وامانك طول العمر وهخلى حياتك كلها سعاده للابد
اهداء الى امجد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.