من ساعت ما دخلت حياتى ..الي حبيبى المجهول

 

حبيبى ملاكى الجميل عايز يتجوزنى

علشان كده انا مبسوطه وفرحانه وحاسه انى امتلكت الدنيا كلها..وشايفه كل حاجه حواليا نجوم بتلالا وورود  وحب وطيور بتعزفلى اجمل الالحان

وهعترفلك من ساعت ما دخلت حياتى حسيت معاك بإيه
وهكتبها للذكرى لينا وعلشان لما ولادنا يكبرو ويدخلو يقروها يعرفو أد إيه 

ماما بتحب باباهم

من ساعت ما دخلت حياتى ياملاكى وانا عايزه اعترفلك بحاجات حستها وانا معاك ولمست كل حاجه فيا وحركت كل المشاعر الجميله اللى جوايا

من ساعت ما دخلت حياتى عرف قلبى معانى كتير 

اول معنى يعنى ايه فرحه وراحه بال يعنى ايه قلب يحبك بجد ويخاف عليك .. يعنى ايه قلب بيدور على السعاده علشان يهدهولك.. يعنى ايه قلب ف كل يوم يثبتلى ان ف قربه احس ان مفيش حاجه فى الدنيا دى ممكن تأذينى ومستعد يفديك حتى بعمره علشان انت بقيت كل عمره ..يعنى ايه لما بكلمه واحده قلتهالى حسيت منها بالامان كلمه كل اميره بتستناها من زمان كلمه سحريه كسرت السدود ولغت المسافات وفتحت باب لمشاعر واحاسيس جميله بريئه نقيه .. ومعانى تانيه كتير عمرها ما تتوصف بالكلام لكن احساسها بيوصل من القلب للقلب بس

اد ايه جميله الدنيا لما تلاقى قلب يتمناك

اللى ما بينى وبينك اجمل من الخيال

انا عمرى ما حسيت ان انا واحده محظوظه بجد الا لما قابلتك ..علشان كده انت بالنسبالى ياملاكى مش بس الراجل الوحيد فى حياتى انا حاسه دلوقتى ان انت الراجل الوحيد فى الكون كله

ونفسى نعمل مع بعض احلى جريمه حب فى العالم "انا هسرق قلبك وانت تسرق قلبى" 

على فكره ياملاكى احنا حكايتنا هتبقى حكايه اجمل قلبين

ربنا يخليك ليا ياأجمل واحلى قلب عرفته .. يارب يكون ليا فيك نصيب

 انت قلتلى قبل كده انتى مشاعرك لو طلعتيها لراجل هيبقى اسعد واحد فى العالم..وانا اخترتك تكون الشخص ده
:)
 بحبك ياملاكى بحبك