فى ناس عندها مشاعر مليانه حقد وكراهيه وغل وعندها الغدر والخيانه حاجه عاديه جداااا ولما بتشوف ناس جواها مشاعر نقيه وصافيه وامل ونور وخير بتتغل وبتبقى كل مهمتها انها تنقل المشاعر المظلمه والحقيره دى للشخص التانى
والناس دى لما نفكر فيهم بيدونا شعور غريب بالحزن والتعاسه ومش بنفتكرلهم غير كل حاجه وحشه وكئيبه ولو شوفناهم بنحس بأفظع احساس ان روحنا بتتسحب مننا بالبطئ
دول المفروض تعمل معاهم ايه؟؟ وتتعامل معاهم ازاى؟؟
ربنا ينتقم منهم بجد ويارب يبعدوا عن كل شخص روحه نقيه وجميله وجواه خير دايما لكل الناسشياطين الانس دول ياصديقى فكرونى بالديمنتورات
"دى ارواح شريره فى سلسله افلام هارى بوتر"
الديمنتور ده كائن عملاق جسمه وراسه متغطى بقماش اسود..ملوش وش ولا رجلين يعنى تقدر تقول شبح بس ليه صوت مزعج ومرعب
حركته مخيفه وبيطير بسرعه البرق حوالين الشخص اللى هياخد منه الروح
بيسحب الهوا مع كل نفس بيتنفسه وبيسحب معاه كل حاجه جميله وفيها روح سعيده وبيجمد كل حاجه حواليه..وكل اللى بيبقى موجود بعد كده السواد والبروده والغضب واليأس والجمود وبيسيطروا على كل حاجه وعلى الشخص كمان
وبعد كده بيبدأ يسحب من الشخص الروح ومش الروح بس ده بيسحب مع الروح كمان كل لحظات السعاده والامل والذكريات الجميله والحب والتفائل وبيزرع بدالها اليأس والخوف والحزن والبرود..وبيديلك شعور كمان انك مش ممكن هتحس بالسعاده من تانى للابد
بس الافظع من كل ده ان الديمنتوربعد ما يسحب الروح من الضحيه مش بتموته دى بتخليه يعيش بعد كده جامد من غير روح ولا عقل ولا قلب وكل اللى هيبقى شايفه وحسه طول العمر هوا سواد الليل بس
اللى انا اكتشفته ياصديقى ان الديمنتورات دى مش كائنات خياليه بالعكس ده فيه ناس كتيره موجوده معانا وفيها صفات الارواح الشريره دى
فى ناس بتحب تدخل حياتك بابتسامه مزيفه وكلام معسول علشان تثق فيهم بس جواهم غل وجشع وحقد وكراهيه وغدر وخيانه ..ويبدأو
فى مهمتم الحقيره انهم يعكننو حياتك ويحرقو دمك دايما وكمان بيبقى عندهم
المتعه انهم يحطمو احلامك وطموحاتك ويتمنو يشفوك يائس ومحطم ومستسلم لكل
حاجه فى حياتك ويحاولو يموتو كل حاجه جميله جواك
انا بحكيلك كل ده ياصديقى علشان انا للاسف بتعرض لديمنتورات بشريه
انا افتكرت فيلم ياصديقى وانا بكتب البوست ده
الفيلم ده قصته زى الكلام اللى كتبته فوق
فيلم الجوكر
**فيلم الجوكر فيلم بيمثل حياتنا..فيلم مؤلم نفسيا ومرهق جسديا بيدخل فى حتت جوا دماغك مكنش المفروض حد يوصلها اصلا
**فيلم هتخرج منه بتفكر فى حاجات كتير حصلت فى حياتك ..هيفكرك بخيبات الامل والاحباطات والانكسارات اللى اتعرضتلها من الناس اللى حواليك ومن اقرب الناس ليك كمان رغم انك كنت ليهم السند والحب والاخلاص
**فيلم هيخليك تعيد النظر فى كل مره فضلت فيها حد على نفسك ونسيت مصلحتك واحلامك
ودى للاسف مصيبتى انى بفضل الناس اللى بفتكرها كويسه على نفسى بس فى الاخر بكتشف عكس كده بكتشف السواد والغل والحقاره والخيانه والغدر اللى جوا قلوبهم وبكتشف ان طيبتى وحسن نيتى هييا اللى بتخلينى اشوفهم غاليين وكويسين مش شياطين
:(
** فيلم كل ما تفتكره هتتأكد ان الشر جزء اصيل فينا..الشر اتبنى على ايد ناس تانيه جوانا بتصرفاتهم وكلامهم ونظراتهم وتجاهلهم واحباطهم وشرهم الخبيث والدنئ والحقير لينا
**فى ناس من بشاعتهم بتخليك تضحك من همك ويأسك وحزنك ..والجوكر بطل الفيلم كان بيعمل كده
**فيلم رائع بجد وخاصه اخر لقطه فى الفيلم ده بصراحه بكل الفيلم والاغنيه تحفه
