الحب الحقيقى

انت عارف ياصديقى إيه هوا الحب الحقيقى؟؟

الحب احلى شئ فى الوجود ..ليها سحر عجيب .. لما بنحسها بنرمى كل هموم الدنيا ونغرق فى بحرها ..واجمل حاجه

فيها انها دايما بتخلينا عندنا تسامح وقلب طيب لكل الناس

 

 

انا هقولك معنى الحب الحقيقى من وجهه نظرى

الحب الحقيقى إنك تشوفنى مش كامله ولا مثاليه بس قابل تحبنى وتكملنى .. إنى أعرف إنك مش أحسن حد ولا أفضل واحد فى الدنيا بس عينى مش شايفه حد غيرك فى الوجود وتبقى بالنسبالى الراجل الوحيد اللى فى الكون كله

الحب الحقيقى هوا اللى متعرفش تنساه أو تبعد عنه هوا اللى قلبك وعقلك إجتمعوا عليه بإقتناع هوا اللى مهما كانت البدائل أروع ومغريه تفضل شايفه أحلى وأجمل من الكل

الحب الحقيقى إننا نصون بعض.. حبنا يبقى حب مخلص ووفى ..نحافظ على بعض ونصون مشاعرنا وإخلاصنا لبعض

الحب الحقيقى هوا الحب اللى يقدر يخلينا نعرف نخرج أحلى ما فينا مش أسوأما فينا وده هيحصل لو اقتنعنا إن كل واحد فينا جواه حاجات حلوه كتير وقادرين نشوف مميزاتنا قبل عيوبنا

الحب الحقيقى ثقه أعرف أحطها فيك وتحطهها فيا واسمحلك انك تدخل العالم بتاعى براحه وثقه وحب وأنا مؤمنه إنى هفضل فى نظرك فى نفس مكانتى مهما كان شكل العالم بتاعى من جوه إيه

الحب الحقيقى هوا الحب الجامد اللى بيواجه أى مشكله مهما كانت صعبه وبينتصر على أى عقبه أو مشكله من مشاكل الحياه الماديه أو المرضيه اللى بتبقا موجوده غالبا واللى ساعات الحب بيضعف قدامه وينهار بس ده مش بيبقى حب اصلا لو إنهارت كل حاجه

الحب الحقيقى حب عمره ما يعرف الزهق أو الملل أو الفتور ومش بيعرف طعم الاهمال لانه حب بيبتدى بمشاعر قويه جدااا والمشاعر دى إحنا بنقويها أكتر مع مرور الايام وتفضل قويه لاخر لحظه فى حياتنا

الحب الحقيقى بيكون عزه وكرامه وأيمان بين الحبيبين

الحب الحقيقى صعب اوى أنك تلاقيه دلوقتى لكن بردو مش مستحيل

 

 

when you love me do not say I love you but say I believe in you

أعلنت إستسلامى لك

فى قلبى رجلا يلغى كل رجال الارض ..فأنت من جعلتنى إمرأه بكامل أنوثتها .. إمرأه متميزه وساحره بين  كل نساء العالم برجولتك .. أعشقك يامن تعلمت الحب على يديك

وأنا الان أشتهى لحظه جنون معك ولما لا وأنت من أرضيت غرورى الانثوى وأنا لا أجد أروع من أن أكون أنثى بين يديك

أعلنت إستسلامى لك وسوف أعترف لك

إنى إمرأتك

ثق تماما بأنك أجمل ما سأحتفظ به ..ليس ذكرى ياعزيزى ولكن روحا إخترت أن أحبها وأعشقها .. وسأظل أناديك حبيبى حتى ينام صوتى إلى الابد

حبيبى يكفينى فى هذه الحياه أن أحتضنك فقط فأنت لا تعلم ماذا سأشعر وأنا بداخل أحضانك الدافئه..هل تريد أن تعرف ياعزيزى؟ حسنا 

فى داخل أحضانك سترسم الامان فى عالمى وتبهج قلبى وتداوى ألامى ..فأنا لا احتاج بعد دخولك حياتى لطبيب كى يداوينى فأحضانك الدافئه هى دوائى .. الاختباء داخل أحضانك هى سر سعادتى وإشراقى .. فلا تحرمنى منها أبداااا

فلا ترحل ياملاكى بعد دخولك حياتى وتترك ورائك قلبا بلا نبض وجسدا بلا روح وإمرأه بلا مستقبل بلا طموح بلا أى حياه