إحنا فى مصر بنمر بكذا مرحله من هوس المجتمع بتصنيفنا والحكم علينا وده اللى اكتشفته فى جيلى
كنا بنتصنف الاول على حسب مجموعنا فى الاعداديه والشاطر هيدخل ثانوى عام والبليد هيدخل تجاره او صنايع
وبعد كده بنتصنف حسب مجموع الثانويه العامه اللى دخل طب او كل كليات القمه يبقى ده حد عبقرى وناجح ومتفوق ومفيش حد زيه انما اللى دخل الكليات الاقل منها فده مستواه متوسط وميستاهلش التقدير حتى لو كانت رغبه الشخص وحتى لو تفوق فيها فهوا فى الاخر فى درجه أقل من النجاح ..اما بقى اللى دخل معهد او مكملش تعليمه فده بقى ضايع وميستحقش الحياه كمان ويتعامل على انه جاهل
والتصنيف ده مش بس على المستوى الاكاديمى ده كمان على الطبقه الاجتماعيه ..بقينا بنصنف بعض بنظره عاليه مع حاجب مرفوع بقينا بنقيم الشخص على حسب شغله ايه مؤهله ايه مرتبه كام عربيته موديل كام بيسهر فين بياكل ايه لبسه من فين ونضارته وساعته ماركه ايه
ده غير الكلام اللى بنسمعه ..فلان ده شخص مش عادى وفلانه دى شخصيه إستثنائيه وده خارج عن المألوف وده بيصنع المعجزات..طب بالنسبه للاشخاص العاديين جدا اللى معندهمش اى قددرات خارقه أو مزايا إستثنائيه أو مواهب غير عاديه ومش أغنيا يعنى على أد حالهم او ممكن يكون عندهم كل ده بس إختارو الحياه الهاديه البسيطه أوى
ياترى بيكون شعورك ايه لما حد يقولك انت شخصيه عاديه جدا..ياترى بترجم الكلمه دى إزاى فى راسك؟ فى الغالب معظمنا هيترجم الكلمه دى لكذا معنى ..هتربطها بحاجات عاديه انت بتمارسها زى ممل سلبى تقليدى ماشى جنب الحيط مش بتحب المغامره وممكن تزيد المعانى فى راسك للابشع زى فاشل جبان مفيش إنجازفى حياتك او بتكون على الهامش دايما فكده انت لازم تكون فى طبقه إجتماعيه متدنيه
كمان نفس المجتمع اللى بيصنف الطبقه الاجتماعيه بيصنف برضو الحاله الاجتماعيه وده بالنسبه للبنت والشاب بس البنت بتتأثر أكتر يعنى اللى اتجوزت تستاهل التقدير والاحترام وماشاء الله عليها هييا كده تمام وماشيه صح فى طريق النجاح وتبقى مقبوله ومرحب بيها فى الدواير الاجتماعيه انما اللى لسه متجوزتش فدى بقى خانه عليها تساؤلات كتير يعنى المفروض نبعد عنها ونخاف منها لتحسد ونستنكر عليها او حتى ممكن نعاملها بشفقه كأنها إنسانه ناقصه وكمان شويه بتبقى أقليه مهمشه لا طايله دايره المتجوزين الشطار ولا طايله دايره البنات الصغيرين
علشان كده البنات دلوقتى بقت بتظهر انوثتها بشكل مبالغ فيه بس مش عشان هييا حابه نفسها ومقتنعه بنفسها اللى ربنا خلقها بيه ده لا ده علشان صدقت فعلا ان انوثتها سلعه وليها تمن يعنى اللى يدفع يشيل او المهم انها تلاقى اى حد وخلاص علشان متبقاش من الاقليه المهمشه اللى فاتهم قطر الجواز يعنى فطرتها وطبيعتها ملهمش قيمه غير لو كان ليها مقابل وده للاسف اغلب البنات ماشيه بيه دلوقتى
كمان نفس المجتمع اللى بيصنف الحاله الاجتماعيه بيصنف برضو فى الشكل ..الشكل الجميل والجسم المتناسق بيبقى مميز دايما وبيلفت النظر دايما وبيبقى موضع إهتمام وتقدير لمعظم الناس
والناس اللى بتاخد بالمظاهر للاسف بتبنى إنطباعات إيجابيه لمجرد إنهم شكلهم حلو يبقى اكيد كل حاجه فيهم برضو حلوه
ونفس المجتمع برضو اللى بيصنف على اساس الشكل بيصنف فى الاعاقه طالما انت فيك إعاقه يبقى لازم تتصنف بدرجه أقل من السليم مينفعش تشتغل مينفعش تمشى فى الشارع لوحدك مينفعش تدخل أى كليه وانت ليك كليات معينه مينفعش مينفعش لدرجه ان ثقتهم بنفسهم بقت معدومه ده غير التريقه اللى بيخدوها من الافلام والمسلسلات المصريه التافهه
التصنيفات دى كلها بتخلينى أسأل نفسى إحنا ليه بقينا سطحيين كده بشكل مستفز وغبى؟
ليه دايما تفكيرنا بقى فى الحاجات التافهه؟
ليه عقلنا بقى فارغ ووصل للمستوى المتدنى ده؟ انا بتكلم على الناس اللى بتحب تصنف الناس
ياريت بلاش نصنف الناس ولا نحكم عليهم ولا نحاول نخدلهم فى سرنا قرارات لاننا أوقات كتير بنجرح من غير قصد
وبلاش تمشى ورا الناس السطحيه وتحاول تكسب نظره إعجاب منهم بإنك تجتهد وتحاول تعيش فى طبقه إجتماعيه أعلى من اللى إنت فيها وتبقى أولوياتك إنك تصرف على الرفاهيات والماركات وتحاول تعرف نفسك كل حاجه وتبقى عبقرى جاهل علشان بس تظهر وتبان قدام الناس ويتبصلك بالنظره العاليه
الشخصيه العاديه ده شئ نسبى وبيختلف وبيتغير حسب القدرات..العادى بالنسبه للمجتمع ده تعبير سطحى والانجاز برضو تعبير سطحى لانه مش بيعترفو بإختلاف الشخصيه والظروف والامكانيات اللى بتواجه الشخص""يعنى طالما فى انجاز ملموس تبقى ناجح ولو مفيش انجاز فى حياتك تبقى انسان عادى
والانجاز والتميز بالنسبه للمجتمع بقى بيتقاس بقدرتك إنك توصل لاكبر عدد من الناس وتبقى فىالقمه والعين عليك مع انك ممكن تكون تافه ..ويتجاهلو ناس ليها قيمه زى قصص الاشخاص اللى حياتهم ملهمه أو اللى إنجازاته وتميزه بيكون فى دايره صغيره
إنت ممكن تكون أب عظيم وأم متميزه بالنسبه للاولادك
ممكن تكون إنسان بيحب يعمل الخير وبيساعد كل الناس المحتاجه
ممكن تكون موظف موهوب وملتزم وعندك القدره إنك تنجز فى دايره شركتك
لكن المجتمع للاسف مش بيشوف ده والعالم مش هيلاحظك وهتبقى أب عادى وموظف عادى ومدرس عادى علشان إنت موصلتش لدايره الشهره رغم إنك بتأثر وبتنجز مع اللى حواليك بس برضو هتفضل عادى ومش هيعرفك ناس كتير ولا هتبقى متشاف
بس انا عرفت حقيقه إن المألوف أفضل وإن الانجاز الحقيقى هوا اللى بيبقى ليه قيمه وأثر حتى لو محدش لمس أثره غير شخصين .. بس للاسف معظمنا مش بيشوف الحقيقه دى وبيفضل إنه يجرى ورا الناس علشان ياخد صك الاستحقاق المجتمعى
بالنسبه للتعليم .. لما حد يقلل من تعليمك ويصنفك بدرجه اقل فكروا إن كل جامعات مصر متصنف من أواخر الجامعات على مستوى العالم .. وفكرو برضو إن أحمد زويل لما سافر أمريكا ورغم عبقريته فى الفيزياء ورغم إنه كان التالت على دفعته فى الكليه بس محدش اعترف بالشهاده بتاعته وإتعلم فى امريكا تانى وعلى فكره ده بلسان احمد زويل شخصيا
التعليم فى مصر فاشل علشان كده كلنا زى بعض
بالنسبه للبنت اللى لسه متجوزتش .. طبعا التصنيف ده مش بياخد فى إعتباره أبدا إذا كانت الست المتجوزه اللى هوا إعتبرها ناجحه أتوماتيك كده هل فعلا هييا ناجحه فى حياتها الزوجيه وسعيده ومحققه نفسها فيها ولا شايفه الهم والمر وعايشه والسلام
ونفس الطريقه مش بيفكر إن البنت اللى لسه متجوزتش واللى برضو إتصنفت على انها فاشله او مسكينه طب ما ممكن تكون إختارت بكامل إرادتهااااااااااااااااا رفضها للجواز دلوقتى لسبب او انها مش جاهزه لمسئوليه أسره وإرتباط أو ممكن تكون لسه ملقتش الشريك المناسب اللى حابه تكمل معاه مشوار حياتها أو انها من الاساس سعيد بحياتها كده ومس حاسه بالنقص ولا العجز ولا الفشل ومش عايزه من المجتمع غير إنه يعاملها على إنه بنى ادم طبيعى جدا ليها حياتها وإختياراتها الحره وظروفها الخاصه اللى هييا أدرى بيها من أى حد
ولو المجتمع مسكتش عليكى دوسى عليه بجزمتك ومتستعجليش فى الجواز وبلاش ثقافه ضل راجل ولا ضل حيطه ولازم نلحق القطر قبل ما يفوتنا أو يدوس علينا وتبقى النتيجه ياطلاق ياذل وكسره نفس
والمجتمع المصرى الحقيقه بيقدس نظريه القطر بيتبناها كجزء من أفكار ومعتقدات المجتمع المصرى اللى حتى بمرور الزمن وإحتلاف الاجيال ملهاش نهايه .. ويمكن ده بيثبت إننا مجتمع بيحب الكلام الكتير بيحب يصدر أحكام ويتدخل فى امور كتيره لا تعنيه على الاطلاق امور لا تعنى إلا صاحبها وبس
واسؤال اللى بسأله لنفسى دايما ليه مجتمعنا دايما بيركز على البنت؟؟ نفسى اعرف الاجابه الحقيقه علشان ارتاح
دايما بنسمع فاتها قطر الجواز قطر الخلفه قطر التعليم قطر الطموح .. بصو اهو اى قطر والسلام المهم انه فاتها .. الواقع بقى إن القطر مش بيفوتنا ولا حاجه لان كل واحد فينا هوا قائد قطر حياته كل واحد فينا عنده الحق الكامل والحريه التامه يقرر محطاته فين
واللى بيأجل قرارات معينه فى حياته ده مش معناه انه مش هيرجعلها فى الوقت اللى هوا يختاره بمزاجه مش الوقت اللى المجتمع حددهوله لانك يوم ما هتاخد خطوه ولا قرار علشان بس ترضى المجتمع اللى محددلك مواعيد كل قطر وتروح تركب القطر الغلط من خوفك انه يفوتك.. المجتمع عمره ما هينصفك ساعتها بالعكس ده هيرجع يلومك ويقولك إستعجالك هوا السبب
فنصيحه منى القرار قرارك انت وبس وتصنيف الناس وحكمهم عليك ميشغلش تفكيرك خالص ودوس عليهم وعلى تفكيرهم المتواضع الفارغ ومتردش عليهم علشان انت اعلى واعقل من كده بكتير
بالنسبه للشكل الجميل المتواضع او الجسم اللى مش حلو..طب خلينا نسأل السؤال ده لنفسنا ..ليه دايما بنقول الله جميل يحب الجمال؟؟ هل ممكن ربنا يخلق حاجه مش حلوه؟ هل ممكن ربنا يفرق بين إنسان واخر بالشكل؟ هل ربنا بيكرهنا علشان يخلقنا بشكل مش حلو؟ طب فين كلام ربنا لما بيقول لا فرق بين عربى أو أعجمى سوى بالتقوى .. يعنى هل ربنا هيحاسبنا فى يوم علشان شكلنا عادى او مش حلو؟ دا بالعكس ربنا خلق كل حاجه فى الدنيا بشكلها اللى يليق بيها وبيجملها بكل الصفات الجميله اللى هوا بيمتلكها
احنا كلنا فينا مميزات وعيوب ..بس الحقيقه اللى لازم تقتنع بيها ان كل واحد فينا فيه حاجه مش موجوده فى اى حد تانى خالص حاجه تتميز بيها بطريقه مختلفه وعلشان الحاجه دى مختلفه فى كل واحد فإستحاله تلاقيلها اسم دى حاجه بتشوفها بقلبك لو قربت لشخص
حب شكلك وحب جسمك اللى هييا اكيد مش شبه حد تانى وليها بصمه خاصه وتستاهل انها تتحب ايا كانت هييا فيها ايه
بالنسبه للاعاقه بصفه عامه ..انا حاليا متطوعه فى جمعيه رساله وبحاول اغير نظره المجتمع للشخص المعاق
احنا كلنا فينا اعاقه كلنا زى بعض بس فى اعاقه بتبقى ظاهره وفى اعاقه بتبقى جوا الشخص
الشخص المعاق محتاج لايمان منك بإنه قادر ..مش محتاج للشفقه او تحسسه بالنقص لانه مؤمن بنفسه ومؤمن برضو بقناعه تامه إن فقدان أى شئ ده مش معناه إنه مش هيقدر يكمل حياته ..الشفقه والنقص مدمره وبتموتع اى طاقه ابداعيه
الاعاقه كقدر وواقع مش بيعيب الانسان ولا بينتقص منه بالعكس دى لو كانت مع شخص طموح وصاحب اراده هتميزه طبعا عن كتير من الناس
وأخيرا بالنسبه ليا إنى أدور على التقدير والتميز ده عمره ما هيكون الاساس فى حياتى وعمره ما هيكون سبب إكتئابى وإحساسى بالنقص
التقدير ده لو خده من طفل هبقى أسعد واحه فى العالم
إحنا كلنا نستحق الدقدير أيا كان فينا إيه
إستمد تقديرك الحقيقى من جواد ودوس بجذمتك على كلام الناس
ربنا إدالك صفات ليك لوحدك وميزك بيها عن كل الناس
حب نفسك وأرفض تصنيف الناس وخليك راقى ف تفكيرك
كنا بنتصنف الاول على حسب مجموعنا فى الاعداديه والشاطر هيدخل ثانوى عام والبليد هيدخل تجاره او صنايع
وبعد كده بنتصنف حسب مجموع الثانويه العامه اللى دخل طب او كل كليات القمه يبقى ده حد عبقرى وناجح ومتفوق ومفيش حد زيه انما اللى دخل الكليات الاقل منها فده مستواه متوسط وميستاهلش التقدير حتى لو كانت رغبه الشخص وحتى لو تفوق فيها فهوا فى الاخر فى درجه أقل من النجاح ..اما بقى اللى دخل معهد او مكملش تعليمه فده بقى ضايع وميستحقش الحياه كمان ويتعامل على انه جاهل
والتصنيف ده مش بس على المستوى الاكاديمى ده كمان على الطبقه الاجتماعيه ..بقينا بنصنف بعض بنظره عاليه مع حاجب مرفوع بقينا بنقيم الشخص على حسب شغله ايه مؤهله ايه مرتبه كام عربيته موديل كام بيسهر فين بياكل ايه لبسه من فين ونضارته وساعته ماركه ايه
ده غير الكلام اللى بنسمعه ..فلان ده شخص مش عادى وفلانه دى شخصيه إستثنائيه وده خارج عن المألوف وده بيصنع المعجزات..طب بالنسبه للاشخاص العاديين جدا اللى معندهمش اى قددرات خارقه أو مزايا إستثنائيه أو مواهب غير عاديه ومش أغنيا يعنى على أد حالهم او ممكن يكون عندهم كل ده بس إختارو الحياه الهاديه البسيطه أوى
ياترى بيكون شعورك ايه لما حد يقولك انت شخصيه عاديه جدا..ياترى بترجم الكلمه دى إزاى فى راسك؟ فى الغالب معظمنا هيترجم الكلمه دى لكذا معنى ..هتربطها بحاجات عاديه انت بتمارسها زى ممل سلبى تقليدى ماشى جنب الحيط مش بتحب المغامره وممكن تزيد المعانى فى راسك للابشع زى فاشل جبان مفيش إنجازفى حياتك او بتكون على الهامش دايما فكده انت لازم تكون فى طبقه إجتماعيه متدنيه
كمان نفس المجتمع اللى بيصنف الطبقه الاجتماعيه بيصنف برضو الحاله الاجتماعيه وده بالنسبه للبنت والشاب بس البنت بتتأثر أكتر يعنى اللى اتجوزت تستاهل التقدير والاحترام وماشاء الله عليها هييا كده تمام وماشيه صح فى طريق النجاح وتبقى مقبوله ومرحب بيها فى الدواير الاجتماعيه انما اللى لسه متجوزتش فدى بقى خانه عليها تساؤلات كتير يعنى المفروض نبعد عنها ونخاف منها لتحسد ونستنكر عليها او حتى ممكن نعاملها بشفقه كأنها إنسانه ناقصه وكمان شويه بتبقى أقليه مهمشه لا طايله دايره المتجوزين الشطار ولا طايله دايره البنات الصغيرين
علشان كده البنات دلوقتى بقت بتظهر انوثتها بشكل مبالغ فيه بس مش عشان هييا حابه نفسها ومقتنعه بنفسها اللى ربنا خلقها بيه ده لا ده علشان صدقت فعلا ان انوثتها سلعه وليها تمن يعنى اللى يدفع يشيل او المهم انها تلاقى اى حد وخلاص علشان متبقاش من الاقليه المهمشه اللى فاتهم قطر الجواز يعنى فطرتها وطبيعتها ملهمش قيمه غير لو كان ليها مقابل وده للاسف اغلب البنات ماشيه بيه دلوقتى
كمان نفس المجتمع اللى بيصنف الحاله الاجتماعيه بيصنف برضو فى الشكل ..الشكل الجميل والجسم المتناسق بيبقى مميز دايما وبيلفت النظر دايما وبيبقى موضع إهتمام وتقدير لمعظم الناس
والناس اللى بتاخد بالمظاهر للاسف بتبنى إنطباعات إيجابيه لمجرد إنهم شكلهم حلو يبقى اكيد كل حاجه فيهم برضو حلوه
ونفس المجتمع برضو اللى بيصنف على اساس الشكل بيصنف فى الاعاقه طالما انت فيك إعاقه يبقى لازم تتصنف بدرجه أقل من السليم مينفعش تشتغل مينفعش تمشى فى الشارع لوحدك مينفعش تدخل أى كليه وانت ليك كليات معينه مينفعش مينفعش لدرجه ان ثقتهم بنفسهم بقت معدومه ده غير التريقه اللى بيخدوها من الافلام والمسلسلات المصريه التافهه
التصنيفات دى كلها بتخلينى أسأل نفسى إحنا ليه بقينا سطحيين كده بشكل مستفز وغبى؟
ليه دايما تفكيرنا بقى فى الحاجات التافهه؟
ليه عقلنا بقى فارغ ووصل للمستوى المتدنى ده؟ انا بتكلم على الناس اللى بتحب تصنف الناس
ياريت بلاش نصنف الناس ولا نحكم عليهم ولا نحاول نخدلهم فى سرنا قرارات لاننا أوقات كتير بنجرح من غير قصد
وبلاش تمشى ورا الناس السطحيه وتحاول تكسب نظره إعجاب منهم بإنك تجتهد وتحاول تعيش فى طبقه إجتماعيه أعلى من اللى إنت فيها وتبقى أولوياتك إنك تصرف على الرفاهيات والماركات وتحاول تعرف نفسك كل حاجه وتبقى عبقرى جاهل علشان بس تظهر وتبان قدام الناس ويتبصلك بالنظره العاليه
الشخصيه العاديه ده شئ نسبى وبيختلف وبيتغير حسب القدرات..العادى بالنسبه للمجتمع ده تعبير سطحى والانجاز برضو تعبير سطحى لانه مش بيعترفو بإختلاف الشخصيه والظروف والامكانيات اللى بتواجه الشخص""يعنى طالما فى انجاز ملموس تبقى ناجح ولو مفيش انجاز فى حياتك تبقى انسان عادى
والانجاز والتميز بالنسبه للمجتمع بقى بيتقاس بقدرتك إنك توصل لاكبر عدد من الناس وتبقى فىالقمه والعين عليك مع انك ممكن تكون تافه ..ويتجاهلو ناس ليها قيمه زى قصص الاشخاص اللى حياتهم ملهمه أو اللى إنجازاته وتميزه بيكون فى دايره صغيره
إنت ممكن تكون أب عظيم وأم متميزه بالنسبه للاولادك
ممكن تكون إنسان بيحب يعمل الخير وبيساعد كل الناس المحتاجه
ممكن تكون موظف موهوب وملتزم وعندك القدره إنك تنجز فى دايره شركتك
لكن المجتمع للاسف مش بيشوف ده والعالم مش هيلاحظك وهتبقى أب عادى وموظف عادى ومدرس عادى علشان إنت موصلتش لدايره الشهره رغم إنك بتأثر وبتنجز مع اللى حواليك بس برضو هتفضل عادى ومش هيعرفك ناس كتير ولا هتبقى متشاف
بس انا عرفت حقيقه إن المألوف أفضل وإن الانجاز الحقيقى هوا اللى بيبقى ليه قيمه وأثر حتى لو محدش لمس أثره غير شخصين .. بس للاسف معظمنا مش بيشوف الحقيقه دى وبيفضل إنه يجرى ورا الناس علشان ياخد صك الاستحقاق المجتمعى
بالنسبه للتعليم .. لما حد يقلل من تعليمك ويصنفك بدرجه اقل فكروا إن كل جامعات مصر متصنف من أواخر الجامعات على مستوى العالم .. وفكرو برضو إن أحمد زويل لما سافر أمريكا ورغم عبقريته فى الفيزياء ورغم إنه كان التالت على دفعته فى الكليه بس محدش اعترف بالشهاده بتاعته وإتعلم فى امريكا تانى وعلى فكره ده بلسان احمد زويل شخصيا
التعليم فى مصر فاشل علشان كده كلنا زى بعض
بالنسبه للبنت اللى لسه متجوزتش .. طبعا التصنيف ده مش بياخد فى إعتباره أبدا إذا كانت الست المتجوزه اللى هوا إعتبرها ناجحه أتوماتيك كده هل فعلا هييا ناجحه فى حياتها الزوجيه وسعيده ومحققه نفسها فيها ولا شايفه الهم والمر وعايشه والسلام
ونفس الطريقه مش بيفكر إن البنت اللى لسه متجوزتش واللى برضو إتصنفت على انها فاشله او مسكينه طب ما ممكن تكون إختارت بكامل إرادتهااااااااااااااااا رفضها للجواز دلوقتى لسبب او انها مش جاهزه لمسئوليه أسره وإرتباط أو ممكن تكون لسه ملقتش الشريك المناسب اللى حابه تكمل معاه مشوار حياتها أو انها من الاساس سعيد بحياتها كده ومس حاسه بالنقص ولا العجز ولا الفشل ومش عايزه من المجتمع غير إنه يعاملها على إنه بنى ادم طبيعى جدا ليها حياتها وإختياراتها الحره وظروفها الخاصه اللى هييا أدرى بيها من أى حد
ولو المجتمع مسكتش عليكى دوسى عليه بجزمتك ومتستعجليش فى الجواز وبلاش ثقافه ضل راجل ولا ضل حيطه ولازم نلحق القطر قبل ما يفوتنا أو يدوس علينا وتبقى النتيجه ياطلاق ياذل وكسره نفس
والمجتمع المصرى الحقيقه بيقدس نظريه القطر بيتبناها كجزء من أفكار ومعتقدات المجتمع المصرى اللى حتى بمرور الزمن وإحتلاف الاجيال ملهاش نهايه .. ويمكن ده بيثبت إننا مجتمع بيحب الكلام الكتير بيحب يصدر أحكام ويتدخل فى امور كتيره لا تعنيه على الاطلاق امور لا تعنى إلا صاحبها وبس
واسؤال اللى بسأله لنفسى دايما ليه مجتمعنا دايما بيركز على البنت؟؟ نفسى اعرف الاجابه الحقيقه علشان ارتاح
دايما بنسمع فاتها قطر الجواز قطر الخلفه قطر التعليم قطر الطموح .. بصو اهو اى قطر والسلام المهم انه فاتها .. الواقع بقى إن القطر مش بيفوتنا ولا حاجه لان كل واحد فينا هوا قائد قطر حياته كل واحد فينا عنده الحق الكامل والحريه التامه يقرر محطاته فين
واللى بيأجل قرارات معينه فى حياته ده مش معناه انه مش هيرجعلها فى الوقت اللى هوا يختاره بمزاجه مش الوقت اللى المجتمع حددهوله لانك يوم ما هتاخد خطوه ولا قرار علشان بس ترضى المجتمع اللى محددلك مواعيد كل قطر وتروح تركب القطر الغلط من خوفك انه يفوتك.. المجتمع عمره ما هينصفك ساعتها بالعكس ده هيرجع يلومك ويقولك إستعجالك هوا السبب
فنصيحه منى القرار قرارك انت وبس وتصنيف الناس وحكمهم عليك ميشغلش تفكيرك خالص ودوس عليهم وعلى تفكيرهم المتواضع الفارغ ومتردش عليهم علشان انت اعلى واعقل من كده بكتير
بالنسبه للشكل الجميل المتواضع او الجسم اللى مش حلو..طب خلينا نسأل السؤال ده لنفسنا ..ليه دايما بنقول الله جميل يحب الجمال؟؟ هل ممكن ربنا يخلق حاجه مش حلوه؟ هل ممكن ربنا يفرق بين إنسان واخر بالشكل؟ هل ربنا بيكرهنا علشان يخلقنا بشكل مش حلو؟ طب فين كلام ربنا لما بيقول لا فرق بين عربى أو أعجمى سوى بالتقوى .. يعنى هل ربنا هيحاسبنا فى يوم علشان شكلنا عادى او مش حلو؟ دا بالعكس ربنا خلق كل حاجه فى الدنيا بشكلها اللى يليق بيها وبيجملها بكل الصفات الجميله اللى هوا بيمتلكها
احنا كلنا فينا مميزات وعيوب ..بس الحقيقه اللى لازم تقتنع بيها ان كل واحد فينا فيه حاجه مش موجوده فى اى حد تانى خالص حاجه تتميز بيها بطريقه مختلفه وعلشان الحاجه دى مختلفه فى كل واحد فإستحاله تلاقيلها اسم دى حاجه بتشوفها بقلبك لو قربت لشخص
حب شكلك وحب جسمك اللى هييا اكيد مش شبه حد تانى وليها بصمه خاصه وتستاهل انها تتحب ايا كانت هييا فيها ايه
بالنسبه للاعاقه بصفه عامه ..انا حاليا متطوعه فى جمعيه رساله وبحاول اغير نظره المجتمع للشخص المعاق
احنا كلنا فينا اعاقه كلنا زى بعض بس فى اعاقه بتبقى ظاهره وفى اعاقه بتبقى جوا الشخص
الشخص المعاق محتاج لايمان منك بإنه قادر ..مش محتاج للشفقه او تحسسه بالنقص لانه مؤمن بنفسه ومؤمن برضو بقناعه تامه إن فقدان أى شئ ده مش معناه إنه مش هيقدر يكمل حياته ..الشفقه والنقص مدمره وبتموتع اى طاقه ابداعيه
الاعاقه كقدر وواقع مش بيعيب الانسان ولا بينتقص منه بالعكس دى لو كانت مع شخص طموح وصاحب اراده هتميزه طبعا عن كتير من الناس
وأخيرا بالنسبه ليا إنى أدور على التقدير والتميز ده عمره ما هيكون الاساس فى حياتى وعمره ما هيكون سبب إكتئابى وإحساسى بالنقص
التقدير ده لو خده من طفل هبقى أسعد واحه فى العالم
إحنا كلنا نستحق الدقدير أيا كان فينا إيه
إستمد تقديرك الحقيقى من جواد ودوس بجذمتك على كلام الناس
ربنا إدالك صفات ليك لوحدك وميزك بيها عن كل الناس
حب نفسك وأرفض تصنيف الناس وخليك راقى ف تفكيرك
